20 Тамыз 2020
Жаңалықтар

Атырауда тәтті кітаптар жәрмеңкесі өтті

– Мектебімізде жыл сайын «Кітап-фест» жобасы жүзеге асып келеді. Бұл жобаның мақсаты жалпы мектеп қауымдастығының кітап оқуға деген қызығушылығын арттыру. Биылғы «Кітап-фест» тақырыбы «Абай әлемі» ғылыми-танымдық жобасымен тұспа-тұс келгендіктен ақынның еңбектеріне арналып отыр», - дейді мектеп баспасөз хатшысы Әнуар ЖАМАНҚҰЛОВ.

Мемлекет басшысы Қасым-Жомарт Тоқаевтың «Абай және ХХІ ғасырдағы Қазақстан» атты мақаласын қолдау мақсатында Атырау қаласындағы Назарбаев Зияткерлік мектебінде «Абай әлемі» ғылыми-танымдық жобасы басталды. Ұлтымыздың рухани дүниесіндегі шоқтығы биік қайталанбас дара тұлғаның туындыларын тану, жаңғырту және насихаттауға арналған жоба екі ай бойы облыстағы зияткерлік мектепте жалғасын таппақ.

– Бұл жоба арқылы біздер әлемдік мәдениетте Абайды Қазақстанның бренді ретінде әлемге кеңінен таныстыруға жұмыстанғымыз келеді. Жастарға Абайдың пәлсапалық, этикалық, эстетикалық, психологиялық және педагогикалық ой-пікірлерге толы поэтикалық шығармалары мен қара сөздерінің тәрбиелік маңызын ұғындыру үшін түрлі шаралар жоспарланған», - дейді ұйымдастырушылар алқасы.

«Абай әлемі» ғылыми-танымдық жобасы аясында «Абай тағылымдары» атты кіріктірілген ашық сабақтар фестивалі, «Жас абайтанушы» жобалар сайысы, креативті жазба байқауы, оқырмандар фестивалі, «Абай жолы» романына негізделген қойылым, әдеби  жыр мүшайрасы мен мектеп оқушылары арасындағы облыстық бейнебаяндар байқауы ұйымдастырылады.

Осылайша атыраулық оқушылар ұлы ақынның асыл мұрасын дәріптеу жолымен Абайдың 175 жылдығын кең көлемді атап өтпекші. Адамдық қасиеттерді құрметтеу, еңбек күшін бағалау, ұлтжандылық, отансүйгіштік және азаматтық позиция сынды әр адамға қажет қасиеттерді дарытуға арналған жоба сәуір айында қорытындыланады.

Ақпарат және фотосуреттер мектеп баспасөз қызметімен ұсынылды

 

 

 

 

 

Пайдалы ақпараттық ресурстар
Smart Bilim - порталдың мобильді қосымшасы
Әсіресе, ата-аналар үшін Smart Bilim мобильді қосымшасы үйден шықпай-ақ қажетті және қажетті ақпаратқа қол жеткізуге, нақты уақытта сұрақтар қоюға және кері байланыс алуға мүмкіндік береді.